Գողանում են` ինչ պատահի

Էրեբունի մասիվի Խաղաղ Դոն կոչվող փողոցի բարձրահարկ շենքի բնակիչները բողոքում են, որ սկսել են անհայտանալ դռան առջեւի ոտքերը սրբելու շորերը:

«Ամոթ, աբուռ չունեն, մնում է` աղբը գողանան: Ամեն օր գետնին շոր ենք գցում, բայց առավոտյան չկա ու չկա: Ինչ է` պահակ դնենք «պոլի շորին»,-զայրացած ասաց Նաիրուհի Վարդանյանը, ով սկզբից դռան շեմին գցում էր ոտքերը սրբելու համար հատկացված հատուկ շոր, սակայն հիմա ստիպված ամուսնու «ռաբոչի շորերն» են սրբում հյուրերի ոտքերը:

Բնակիչները բողոքում են նաեւ, որ հաճախ էլ հարեւանի հյուրերը ոտքերը սրբում են իրենց շորի վրա:

Խաղաղ Դոնի բնակիչները, հանրային խորհուրդ կազմակերպելով, գտել են ելքը. այսուհետ ոտքերը սրբելու շորը փնտրեք դռան ներսի կողմից: