Պետդեպը շնորհավորել է Զուրաբիշվիլիին, սակայն մտահոգություն հայտնել խախտումների հետ կապված

ԱՄՆ պետդեպարտամենտը շնորհավորում է Սալոմե Զուրաբիշվիլիին Վրաստանի նախագահական ընտրություններում հաղթանակի կապակցությամբ, սակայն կիսում է ԵԱՀԿ-ի մտահոգությունը քվեարկության ժամանակ արձանագրված բազմաթիվ խախտումների  կապակցությամբ: Այդ մասին ասվում է պետդեպարտամենտի պաշտոնական ներկայացուցիչ Հիզեր Նաուերթի հայտարարությունում. հայտնում է РИА Новости-ն:

«Այդ գործողությունները հակասում են Վրաստանի` արդար և թափանցիկ ընտրություններ անցկացնելու հանձնառությանը, և մենք կոչ ենք անում Վրաստանի իշխանություններին`  վերացնել այն թերությունները, որոնց մասին նշել են ԵԱՀԿ /ԺՄԻԳ-ը և այլ դիտորդներ»,-ասվում է հայտարարությունում: