Երջանկության կարևորագույն բաղադրիչներից մեկը` ըստ Փաշինյանի

Պաշտոնական տվյալներով` Հայաստանում հեղափոխությունից հետո 37 000 աշխատատեղ է բացվել. լրագրողների հետ մամուլի ասուլիսի ժամանակ ասաց ՀՀ վարչապետի պաշտոնակատար Նիկոլ Փաշինյանը` պատասխանելով հարցին, թե ինչ քայլեր են արվել սոցիալական բեռը թեթևացնելու համար:

Նա նշեց, որ այդ աշխատատեղերը բոլորը զրոյից չեն ստեղծվել, դրանց մի մասն այն աշխատատեղերն են, որոնք գրանցված չեն եղել: «Մարդիկ հեղափոխությունից հետո փորձել են ստվերը բերել օրենքի դաշտ, ու այդքան նոր աշխատող է գրանցվել: 37 000 աշխատատեղերի 90 տոկոսը, գուցե և ավելին, ստվերում գործողներն էին: Այդտեղ կան նաև նոր աշխատատեղեր, որոնց թիվը 37 000-ի 10 տոկոսից ավելին չէ: Իհարկե, սոցիալական խնդիրը մեր քաղաքականության առանցքն է, բայց աշխատանքի խրախուսումը  նույնպես մեզ համար կարևոր է»,- ասաց Փաշինյանը:

Նրա խոսքով` երջանկության կարևորագույն բաղադրիչներից մեկն այն է, որ մարդն աշխատում է, ստանում համապատասխան վարձատրություն ու հաճույք ստանում դրանից: