Գյումրիի ռուսական ռազմակայանը Հայաստանի անվտանգության կարևոր բաղադրիչներից է. Վիգեն Սարգսյան

Գյումրիում տեղակայված 102-րդ ռուսական ռազմակայանը, ըստ ՀՀ պաշտպանության նախարար Վիգեն Սարգսյանի, Հայաստանի անվտանգության կարևոր բաղադրիչներից է: РИА Новости-ի հետ զրույցում նախարարը հիշեցրել է, որ հենց Հայաստանն է նախաձեռնել իր տարածքում ռազմակայանի տեղակայման մասին պայմանագրի երկարաձգումը:

«Կարծում եմ` դա մեր ռազմա-քաղաքական համագործակցության նշանակալի երևույթներից է, և մենք համարում ենք, որ ռազմակայանը զսպիչ գործոն է»,- ասել է նա:

Անդրադառնալով ռազմակայանի զինծառայողների թվի և տեխնիկայի ավելացման հարցին` նախարարը նշել է, որ դա մարտավարության հարց է: «Նման հարցեր լուծվում են հաշված ժամերի ընթացքում: Փառք Աստծո, դրա համար բոլոր ուժերն ու միջոցները կան: Կազմի ավելացումը չի կարող ինքնանպատակ լինել: Դա պետք է պատասխան լինի կոնկրետ իրավիճակում կոնկրետ մարտահրավերի»,- ասել է Սարգսյանը: