Պետությունը նրանց 0%-ով վարկ չի տրամադրել. Դավիթ Սանասարյան

ՀՀ պետական վերահսկողության ծառայության պետ Դավիթ Սանասարյանը, ով այսօր ամփոփում էր իր պաշտոնավարման 100 օրը, հրավիրած մամուլի ասուլիսի ընթացքում պատաստասխանեց լրագրողների հնչեցրած հարցին, թե ինչպե՞ս է որոշվում տուգանքի չափը` ինչքան «վերցրել են», այդքան  պիտի վերադարձնե՞ն:

«Չի կարող այնպես լինել, որ պետությունից գողանան 20 մլն դրամ և նույնքան էլ վերադարձնեն պետությանը: Պետությունը նրանց 0%-ով վարկ չէր տրամադրել: Մի շարք հաշվարկներ են արվել, հաշվարկվել են անարդյունավետ ծախսերը և այլն: Եվ կարող եմ ասել, որ վճարվող գումարը մի քանի  անգամ գերազանցում է այն գումարը, որը նրանք գրպանել են»,- պատասխանեց Սանասարյանը: