Բացառվում է ընտրակաշառքը. ոստիկանությունը նորամուծություն ունի. Օսիպյան

Երևանի ավագանու ընտրություններին, որը տեղի է ունենալու սեպտեմբերի 23-ին, ոստիկանությունը բացառում է ընտրակաշառքի հնարավորությունը. լրագրողների հետ զրուցում նման բան է հայտարարել ՀՀ ոստիկանապետ Վալերի Օսիպյանը:

«Մենք տիրապետում ենք ընտրակաշառք տալու ցանկացած մեխանիզմի, անգամ ոչ բացահայտ տեխնոլոգիաներին և խստորեն վերահսկելու ենք այդ ամենը: Թույլ տվեք չբացահայտեմ այդ ձևերը: Ոստիկանությունը նորամուծություն ունի՝ այսուհետ մենք բարեխիղճ ենք ծառայելու»,- նշեց Օսիպյանը: 

Անդրադառնալով նախորդ ընտրությունների ժամանակ ընտրակաշառքի դեպքերին՝ Օսիպյանն ասաց, որ լրագրողների տեսանյութերն արձանագրել են որոշ դեպքեր և հույս հայտնեց, որ այս անգամ էլ լրատվամիջոցները կաջակցեն ոստիկանությանը: