Ոստիկանությունը կամաց-կամաց վտանգներ է տեսնում. Վալերի Օսիպյան

Քիչ առաջ Երեւանի փոխոստիկանապետ Վալերի Օսիպյանը մոտեցավ բողոքի ակցիայի  ակտիվիստներին եւ ասաց, որ այսօր օրվա երկրորդ կեսին ոստիկանությունն անընդհատ խախտումներ է հայտնաբերում` ավազով շշեր, ալկոհոլ, արկղերով գարեջուր:

«Ոստիկանությունը կամաց-կամաց վտանգներ է տեսնում, դուք` որպես ցույցի կազմակերպիչներ, պատասխանատվություն եք կրում նրանց համար: Դուք զգուշացրեք բոլորին` զերծ մնան անօրինական գործողություններից»:

Ակտիվիստներն ի պատասխան վստահեցրին, որ  փորձում են վերահսկել ամեն ինչ, «ներս մտած ամեն ջուր ստուգում են, բայց դժվար է վերահսկել մարդկանց, երբ նրանց քանակը 30 հազար է»: Օսիպյանը հակառակվեց` ասելով, որ այստեղ այդքան մարդ չկա, թյուրիմացության մեջ մարդկանց մի գցեք: