Յուրի Խաչատուրովը գրավի դիմաց ազատ կարձակվի

Երևանի ընդհանուր իրավասության դատարանը հրապարակեց  որոշում Մարտի 1-ի գործով մեղադրյալ ՀԱՊԿ գլխավոր քարտուղար, գեներալ-գնդապետ Յուրի Խաչատուրովին կալանավորելու միջնորդության վերաբերյալ:

Լրագրողների հետ զրույցում Խաչատուրովի փաստաբան Պողոսյանը նշեց, որ Խաչատուրովի նկատմամբ որպես այլընտրանքային խափանման միջոց գրավը ճանաչվել է թույլատրելի: Նա չհրապարակեց գրավի չափը: «Ահռելի գումար չէ, ընդունելի, սովորական գրավ է, մոտավորապես մինչև 5 միլիոն դրամի սահմաններում»,- ասաց Խաչատուրովի փաստաբանը: Մինչև գրավի վճարումը Խաչատուրովը կմնա կալանքի տակ: 

Հիշեցնենք, որ Յուրի Խաչատուրովին երեկ մեղադրանք է առաջադրվել Հ Հ քրեական օրենսգրքի 300.1 հոդվածով (սահմանադրական կարգը տապալելը): Նա սույն գործով հարցաքննվել է մեղադրյալի կարգավիճակով: