Կարո Եղնուկյանն ազատ կարձակվի 10 մլն դրամի գրավի դիմաց

Երևանի ընդհանուր իրավասության դատարանի դատավոր Արտուշ Գաբրիելյանը քիչ առաջ անսպասելի որոշում կայացրեց` բավարարել փաստաբան Տիգրան Հայրապետյանի միջնորությունը և «Հիմնադիր խորհրդարանի» անդամ Կարո Եղնուկյանին  գրավի դիմաց կալանքից ազատ արձակել:

Դատարանը, որպես գրավի չափ, սահմանել է 10 մլն դրամը, որը դատարանի դեպոզիտ հաշվին վճարելուց հետո միայն Եղնուկյանին կարող են ազատ արձակել:

Հիշեցնենք, որ Կարո Եղնուկյանը մեղադրվում է պատանդ վերցնելուն, շենքեր, շինություններ, տրանսպորտի, հաղորդակցության կամ կապի միջոցներ զավթելուն աջակցելու մեջ: Նրան ձերբակալել էին հուլիսի 19-ին՝ «Սասնա ծռեր» խմբի կողմից Էրեբունի համայնքի ՊՊԾ գունդը գրավելուց 2 օր անց։