Դատարանը որոշեց` Դավիթ Սանասարյանը գրավի դիմաց ազատ կարձակվի

Վերաքննիչ քրեական դատարանը քիչ առաջ որոշում կայացրեց` 1.5 մլն դրամ գրավի դիմաց կալանքից ազատ կարձակի հուլիսին զանգվածային անկարգություններ կազմակերպելու մեջ մեղադրվող` Երեւանի ավագանու «Բարեւ Երեւան» դաշինքի անդամ Դավիթ Սանասարյանին: Այս տեղեկությունը Yerkir.am-ի հետ զրույցում հաստատեց Սանասարյանի պաշտպան Արա Ղարագյոզյանը: Նրա խոսքով՝ գրավը վճարելուց և համապատասխան գործընթացից հետո Սանասարյանն ազատ կարձակվի «Նուբարաշեն» ՔԿՀ-ից:

Դավիթ Սանասարյանին մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին մասի համաձայն, այն է` զանգվածային անկարգություններ կազմակերպելը։

Հիշեցնենք, որ օրեր առաջ էլ ազատ էր արձակվել նույն մեղադրանքով կալանավորված` «Ժառանգություն» կուսակցության փոխնախագահ Արմեն Մարտիրոսյանը: