Ալիևը հուսով է, որ մոտ ապագայում ԼՂ հակամարտության հարցը լուծում կստանա

Ադրբեջանի նախագահ Իլհամ Ալիևը հույս է հայտնել, որ Հայաստանի նոր իշխանություններն իրական քայլեր կձեռնարկեն ԼՂ հակամարտության շուտափույթ կարգավորման համար. հայտնում է РИА Новости-ն:

«Հուսով եմ, որ Հայաստանի նոր ղեկավարությունը չի կրկնի նախորդի սխալները, կիրականացնի լուրջ աշխատանք՝ հակամարտության շուտափույթ կարգավորման համար, և կտրվի իրական, այլ ոչ հանուն իմիտացիայի, բանակցային գործընթացի մեկնարկ։ Այդ կերպ հարցը կարող է լուծվել, իսկ Կովկասում կարող է խաղաղություն հաստատվել։ Մենք ցանկանում ենք դա, մենք պահանջում ենք հակամարտության կարգավորում, մենք ունենք դրա իրավունքը։ Հուսով ենք, որ այս հարցը մոտ ապագայում լուծում կստանա բանակցությունների միջոցով»,- ասել է Ալիևը։