Էրդողանն ու Ալիևը քննարկել են ղարաբաղյան հակամարտության հարցը

Հուլիսի 9-ին Ստամբուլում կայացել է Թուրքիայի և Ադրբեջանի նախագահներ Ռեջեփ Թայիփ Էրդողանի և Իլհամ Ալիևի հանդիպումը։

Ըստ Haber7-ի` Ալիևը Ստամբուլ է ժամանել 12-րդ Համաշխարհային նավթային կոնգրեսին մասնակցելու համար։ 

Նշվում է, որ «եղբայր երկրների» ղեկավարները հանդիպման ընթացքում քննարկել են ղարաբաղյան հակամարտության հարցը։

Նախագահների հանդիպումը կայացել է փակ և տևել է 1 ժամ 45 րոպե։

Հանդիպումից հետո Էրդողանը հրապարակել է Բոսֆորի ֆոնին Ալիևի հետ արված լուսանկարը և մակագրել հետևյալ տողերը`

 «Եղբորս` նախագահ Ալիևի հետ Ստամբուլում քննարկեցինք երկկողմանի հարաբերություններն ու տարածաշրջանային մի շարք հարցեր: Մեր եղբայրությունը շարունակելու է ամրանալ»: