կարևոր
3082 դիտում, 7 ամիս առաջ - 2023-10-10 22:55
Աշխարհ Քաղաքական

Ի՞նչ եք պատրաստվում անել, թե՞ ապագայում նոր մրցանակներ եք շնորհելու. Արմեն Գևորգյանի հարցը ձերբակալված և Բաքվում գտնվող ԼՂ ղեկավարների մասին` ԵԽ գլխավոր քարտուղարին

Ի՞նչ եք պատրաստվում անել, թե՞ ապագայում նոր մրցանակներ եք շնորհելու. Արմեն Գևորգյանի հարցը ձերբակալված և Բաքվում գտնվող ԼՂ ղեկավարների մասին` ԵԽ գլխավոր քարտուղարին

Եվրոպայի խորհրդի խորհրդարանական վեհաժողովի (ԵԽԽՎ) լիագումար նիստի ընթացքում ԵԽԽՎ-ում ՀՀ պատվիրակության անդամ Արմեն Գևորգյանի հարցը ԵԽ գլխավոր քարտուղար Մարիա Պեյչինովիչ Բուրիչին ԵԽԽՎ աշնանային նստաշրջանի հոկտեմբերի 10-ին կայացած նիստում.

Տիկին գլխավոր քարտուղար,

Հենց երեկ՝ նույն նիստի ընթացքում Վացլավ Հավելի մրցանակը շնորհեցինք թուրք քաղբանտարկյալ Օսման Քավալային՝ ընդունելով մարդու իրավունքների ոտնահարումների փաստը Թուրքիայում, և միևնույն ժամանակ ԵԽԽՎ-ի նոր փոխնախագահ ընտրեցինք Թուրքիայից՝ ըստ էության խրախուսելով վերջինիս ներկայիս քաղաքականությունը։ Սա ընդամենը դիտարկում է ժողովրդավարության վիճակի մասին։

Անշուշտ տեղյակ եք, որ Ադրբեջանը, ի շարունակություն իր ցեղասպան քաղաքականության, վերջերս գերի է վերցրել Ղարաբաղի հայ քաղաքական և պետական ղեկավարներին այնպես, ինչպես թուրքերն արեցին 108 տարի առաջ՝ առաջին Հայոց ցեղասպանության ժամանակ։ Հաշվի առնելով Ադրբեջանում ժողովրդավարության և մարդու իրավունքների վատթար իրավիճակը, ի՞նչ եք պատրաստվում անել դրա հետ, թե՞ ապագայում նոր մրցանակներ եք շնորհելու։