Պետք է լինի այնպիսի լուծում, որով Ղարաբաղը կստանա միջազգային կարգավիճակ և կմնա հայկական. կոնգրեսական Փալոնե

ԱՄՆ Կոնգրեսի հայկական հարցերի հանձնաժողովը լի է վճռականությամբ`լուծելու հայ-ադրբեջանական հակամարտությունը, փորձել լուծում գտնել, որպեսզի Լեռնային Ղարաբաղը ստանա միջազգային կարգավիճակ և մնա հայկական. այս մասին հայտարարել է ԱՄՆ Կոնգրեսի հայկական հարցերով հանձնաժողովի համանախագահ Ֆրենկ Փալոնեն`Հայաստան-ԱՄՆ խորհրդարանական բարեկամության խմբի հետ փոխըմբռնման հուշագիր ստորագրելու ժամանակ:

«ԱՄՆ Կոնգրեսի հայկական հարցերով հանձնաժողովը կշարունակի աշխատել տարածաշրջանում կայուն խաղաղություն հաստատելու ուղղությամբ: Գիտեմ, որ այժմ լարված շրջան է, ագրեսիա կա Ադրբեջանի կողմից: Եվ մենք գիտենք, որ պետք է լինի այնպիսի լուծում, որի դեպքում Լեռնային Ղարաբաղը կունենա միջազգային կարգավիճակ և կմնա հայկական», - ասել է Փալոնեն: