Պրեմիերաներ. Արամ Շահբազյանի «Չինչիկ»-ն ու Ալեքսանդր Կոտի «Սպիտակ»-ն այս տարի կինոսերներին կներկայացվեն

Այս տարի կինոյի ոլորտում մի շարք պրեմիերաներ են սպասվում: Լրագրողների հետ հանդիպման ժամանակ Ազգային կինոկենտրոնի տնօրեն Շուշանիկ Միրզախանյանը նշեց, որ կլինենինչպես գեղարվեստական, այնպես էլ վավերագրական ֆիլմերի պրեմիերաներ:

«Այս տարի վերջապես ավարտին կհասցվի Արամ Շահբազյանի «Չինչիկ» ֆիլմը: Ավելին` մենք բավական մեծ հույսեր ենք կապում այդ ֆիլմի հետ: Ի դեպ, այն ավարտին հասցնելու համար նախատեսված ֆինանսական ծախսերը Հայաստանում կարվեն: Բացի այդ` այս տարի դեկտեմբերի 7-ին կլինի Ալեքսանդր Կոտի «Սպիտակ» ֆիլմի պրեմիերան, և քանի որ ֆիլմը հայ-ռուսական համատեղ արտադրություն է, երկու երկրներում միաժամանակ կլինի պրեմիերան»,- հայտնեց Միրզախանյանը:

Էդգար Բաղդասարյանի «Ճանապարհ» ֆիլմի պրեմիերան նույնպես նախատեսված է այս տարի անել, ինչպես նաև Մհեր Մկրտչյանի «Անխելք մարդը» /սա ֆիլմի դեռևս աշխատանքային անվանումն է/ ֆիլմը կներկայացվի:

Ինչ վերաբերում է վավերագրական ֆիլմերին, ապա կլինեն «Խաչքար», «Գեղարդ» ֆիլմերի պրեմիերաները: