Ունենք հստակ գործողությունների ծրագիր, որոնց վերաբերյալ մանրամասներն առաջիկայում կներկայացվեն. Արամ Վարդևանյան

Դիմում եմ մեր հայրենակիցներին, հատկապես՝ մեր այն հայրենակիցներին, որոնք այս ժամանակահատվածում հուսահատվել են, հիասթափվել, իսկապես դա այս իրավիճակում լուծում չէ, պետք  զարթնել, վեր կենալ և դուրս գալ այդ թմբիրից․ Ազատության հրապարակում լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը:

«Հուսահատվելով, նեղվելով մենք այս իրավիճակից դուրս չենք գալու, իսկապես պետք է համախմբվենք, միասնական լինենք և կհասնենք մեր արդյունքին: Մենք ունենք հստակ գործողությունների ծրագիր, որոնց վերաբերյալ մանրամասներն առաջիկայում կներկայացվեն: Ես խնդրում եմ, որ մեր հայրենակիցներն այդ իմաստով փոքր-ինչ համբերեն»,- նշեց պատգամավորը: