Տավուշում ԵՄ պիլոտային ծրագիր կիրականացվի

Հայաստան կատարած աշխատանքային այցի շրջանակում, այսօր Վասիլիս Մարագոսը հանդիպում է ունեցել Տավուշի մարզպետ Հովիկ Աբովյանի հետ: 
Գործողությունների տարեկան ծրագիր (ԳՏԾ) 2018-ի քննարկման ընթացքում Տավուշը կարող է հաստատվել որպես պիլոտային մարզերից մեկը։ Տարեկան ծրագիրն ուղղված է տնտեսական աճի և մրցունակության բարձրացմանը։

Հատուկ ուշադրություն է դարձվում մարզի և ոլորտային (զբոսաշրջություն, ստեղծագործական արդյունաբերություն և գյուղատնտեսություն) զարգացման վրա:
Ետդարձի ճանապարհին Վասիլիս Մարագոսը այցելել է ԵՄ աջակցությամբ ձեռնարկված ծրագրեր Տավուշում (Ենոքավան) և Սևան քաղաքում գործող Բոհեմ արվեստանոց-թեյարան սոցիալական ձեռնարկությում, հանդիպել այդ ծրագրերի շահառուներին: