Որևէ երաշխիք որևէ մեկի համար չկա. Դավիթ Հարությունյանը` հետագա պաշտոնավարման մասին

Արդարադատության նախարար Դավիթ Հարությունյանը պատրաստ չէ հրապարակավ ներկայացնել իր կարծիքը ՀՀ նախագահի պաշտոնի հավանական թեկնածուների վերաբերյալ:

Խորհրդարանում լրագրողների հետ զրույցում, անդրադառնալով երեկ մտավորականների հետ հանդիպման ժամանակ ՀՀ նախագահի կողմից մատնանշված հատկություններին, որոնք պետք է բնորոշ լինեն ապագա նախագահին` լինի անկողմնակալ, երբեք զբաղված չլինի քաղաքականությամբ և կուսակցության անդամ չլինի, նա ասաց, որ նախագահի թեկնածուները մեր երկրում շատ չեն:

Հարցին էլ`  իր հետ քննարկվե՞լ է ապագա պաշտոնավարության հարցը, Հարությունյանը պատասխանեց. «Որևէ երաշխիք որևէ մեկի համար չկա»։