Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
ՀՀ Գյուղատնտեսության նախարարության ՍԱՊԾ «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ը ANAB (ANSI-ASQ National Accreditation Board)-ի կողմից ստացել է ISO/IEC 17025:2005 միջազգային ստանդարտի պահանջներին համապատասխան հավատարմագրման սերտիֆիկատ: Այս փաստաթուղթը հավաստում է, որ ՍԱՊԾ «ՀԱԲԼԾԿ» ՊՈԱԿ-ի տեխնիկական հագեցվածությունը, լաբորատոր անձնակազմը համապատասխանում են միջազգային փոխճանաչելի չափանիշներին, ինչը թույլ է տալիս լաբորատոր փորձաքննությունների արդյունքները համարել հիմնավորված և հավաստի: Այսպիսով, «ՀԱԲԼԾԿ» ՊՈԱԿ-ը հանդիսանում է ՀՀ-ում առաջին պետական լաբորատոր կառույցը, որը ներառված է ԵԱՏՄ փորձարկման լաբորատորիաների ցանկում և միաժամանակ տրամադրում է ԵՄ անդամ ու այլ երկրներում փոխճանաչելի լաբորատոր ծառայություններ:
Հարկ է նշել, որ լաբորատոր կենտրոնի Սննդամթերքի անվտանգության լաբորատորիայի՝ ISO/IEC 17025:2005 միջազգային ստանդարտի պահանջներին համապատասխանությունը հատկապես կարևոր է հայաստանցի արտահանողների համար, քանի որ հնարավորություն է ստեղծվել արտահանվող ապրանքատեսակները տեղում ենթարկել լաբորատոր փորձարկման՝ վստահ լինելով, որ այդ փորձարկման արդյունքները ճանաչվելու են նաև օտարերկրա լաբորատորիաների և ծառայությունների կողմից, ինչն էլ, իր հերթին, էապես կհեշտացնի հայկական ապրանքատեսակների մուտքը օտարերկրյա շուկաներ: