Ռուսաստանը շահագրգիռ է, որ Ադրբեջանը դառնա ԵՏՄ անդամ. Ռուբեն Սաֆրաստյան

Ռուսաստանը շահագրգիռ է, որ Ադրբեջանը դառնա ԵՏՄ անդամ. լրագրողների հետ զրույցում կարծիք հայտնեց ՀՀ ԳԱԱ արևելագիտության ինստիտուտի տնօրեն, թուրքագետ Ռուբեն Սաֆրաստյանը: Սակայն բանախոսի համոզված է, որ Ադրբեջանը նման քայլի չի գնա:

«Ադրբեջանն ունի նավթ և գազ: Նրա համար կարևոր է իր նավթից ու գազից առավելագույն օգուտներ ստանալը, և եթե գնա ԵՏՄ ինտեգրմանը, այդ շահույթների մի մասից կարող է զրկվել: Ադրբեջանի վերնախավը կարող է ռուսների հետ խաղ խաղալ, բայց ես կարծում եմ, որ վերջնականորեն չի դառնա ԵՏՄ անդամ, բայց Ռուսաստանն, իհարկե, կձգտի»,- ասաց նա:

Թուրքագետը նաև անդրադարձավ Ռուսաստանի կողմից Թուրքիային վաճառվող C400 զենիթահրթիռային համակարգին: «Բանակցությունները, կարծես, դրական ընթացք են ունենում: Մենք պետք է արձանագրենք, որ դեռ C400-ը Թուրիքայում չէ,  նախատեսվում է, որ մոտ 2 տարի հետո կհասնի»,- ասաց նաէ հավելելով, որ դեռ վաղ է 100 տոկոսով ասել, որ դրանք կհայտնվեն Թուրիքայիում: