Վլադիմիր Պուտինն ու Սերժ Սարգսյանն այցելել են Տրետյակովյան պատկերասրահ

Ռուսաստանի նախագահ Վլադիմիր Պուտինը Հայաստանի նախագահ Սերժ Սարգսյանի հետ հանդիպման ժամանակ ընդգծել է այս տարվա մարտին կնքված ռուս-հայկական պայմանավորվածությունների իրականացման գործում դրական տեղաշարժերի մասին: Այս մասին հաղորդում է rns.online լրատվական գործակալությունը:

«Ուզում եմ նշել, որ մեր թիմերը լարված աշխատում են մեր երկրների միջև կնքված պայմանավորվածությունների իրականացման ուղղությամբ: Այդ աշխատանքները դրական արդյունքներ են տալիս: Ես Ձեզ հետ խոսել եմ քաղաքական դաշտում, անվտանգության հարցերում  փոխգործակցության մասին : Տնտեսական ոլորտում ևս աճ է գրանցվել արդեն , ինչը ուրախացնում է:  Բայց Դուք եկել եք մեզ մոտ` Ռուսաստանում Հայաստանի մշակույթի օրերի կապակցությամբ: Մենք շատ ուրախ ենք, որ այդ ուղղությամբ արդյունավետ են ընթանում աշխատանքները»,- ասել է Պուտինը:

Պուտինը շնորհակալություն է հայտնել Սարգսյանին  Տրետյակովյան պատկերասրահում  ցուցադրության կազմակերպմանն աջակցելու համար: Հայաստանի ու Ռուսաստանի նախագահները միասին  այցելել են Տրետյակովյան պատկերասրահ: