«Ելք»-ը դեմ է Վիգեն Սարգսյանի ներկայացրած նախագծին

Ազգային ժողովի «Ելք» խմբակցությունը դեմ է քվեարկելու «Զինվորական ծառայության և զինծառայողների կարգավիճակի մասին» օրենքի նախագծին: Այս մասին այսօր ԱԺ-ում քննարկման ժամանակ հայտարարեց ԱԺ «Ելք» խմբակցության ղեկավար Նիկոլ Փաշինյանը։

Նախագիծն ԱԺ-ում ներկայացնում է ՀՀ պաշտպանության նախարար Վիգեն Սարգսյանը:

Անդրադառնալով ԱԺ փոխնախագահ Էդուարդ Շարմազանովը այն տեսակետին, որ բանակը բոլորինն է, Փաշինյանն ասաց. «Բոլոր ընտրությունների ժամանակ բանակը բոլորինը չի եղել, այլ միայն` իշխանությանը, իսկ բանակում ծառայող տղաների ծնողները մինչև հիմա շարունակում են նրանց գուլպաներ, կոշիկներ, համազգեստ մատակարարել»։