Հեռախոսն ազդում է մարդու տրամադրության վրա

Բրիտանացի գիտնականները պարզել են, որ բջջային հեռախոսի վրա եկող ծանուցումներն ազդում են մարդու տրամադրության վրա:

Նոթինգեմ Թրենդ համալսարանի աշխատակիցների անցկացրած ուսումնասիրությունը ցույց է տվել, որ սմարթֆոնների վրա եկած հաղորդագրությունների 30 տոկոսը վատթարացնում է մարդու տրամադրությունը:

Հետազոտությունն անցկացվել է 50 կամավորների շրջանում: 5 շաբաթվա ընթացքում նրանց մոտ 500 հազար հաղորդագրություն է ուղարկվել: Պարզվել է, որ  այդ հաղորդագրությունների մոտ մեկ երրորդ մասը մարդկանց մոտ առաջացնում է բացասական զգացողություններ՝ թշնամանք, նյարդայնություն, տխրություն, վախ և ամոթ: Մարդկանց անհանգստություն են պատճառել մեծամասամբ աշխատանքին վերաբերող տեղեկատվությունը: