Ադրբեջանն ազնիվ ճանապարհով չի գնում. Պարգեւ սրբազան

Կարեն Դեմիրճյանի անվան մարզահամերգային համալիրում մեկնարկել է «Փոխադարձ վստահություն, միասնականություն և պատասխանատվություն» խորագրով` Հայաստան-Սփյուռք 6-րդ համահայկական համաժողովը։ Արցախի թեմի առաջնորդ Պարգև սրբազանը լրագրողների հետ զրույցում նշեց, որ իրավիճակը հայ-ադրբեջանական սահմանին համեմատաբար հանգիստ է։

Ինչ վերաբերում է Արցախյան հակամարտության խնդրի լուծման մեջ Սփյուռքի դերակատարմանը, սրբազանը նշեց, որ Սփյուռքը կարող է մեծ դերակատարում ունենալ՝ հայ համայնքները կարող են ակտիվ աշխատել Ֆրանսիայում, Ռուսաստանում, ԱՄՆ-ում: «Համանախագահող երկրները կարող են լավ լոբբինգ անել, իրենց ներդրումներով զորացնել Հայաստանն ու Արցախը»,- նշեց նա։

Հարցին, թե, որպես Արցախի թեմի առաջնորդ, արդյոք բավարար է համարում Սփյուռքի իրականացրած լոբբինգը Արցախի ճանաչման հարցում, սրբազանը պատասխանեց, որ, իր կարծիքով, Սփյուռքն անում է այն, ինչ ի զորու է։

«Ադրբեջանն ազնիվ ճանապարհով չի գնում, շատ հաճախ մեծածավալ կաշառքներ է տալիս»,- ասաց Պարգև սրբազանը։