Գերմանիայում և Ավստրիայում նախընտրական քարոզարշավները հակաթուրքական բնույթ են կրում. Թուրքիայի ԱԳՆ

Թուրքիայի ԱԳ նախարարությունը հայտարարություն է տարածել Գերմանիայում և Ավստրիայում ընթացող նախընտրական քարոզարշավների վերաբերյալ՝ պնդելով, որ դրանք ուղղված են իրենց դեմ:

Ըստ Demokrathaber-ի՝ նախարարությունը հայտնել է, որ «ափսոսանքով» է հետևում այդ երկրներում ընտրությունների նախընտրական փուլին, քանի որ, ըստ նախարարության, քարոզարշավները կրում են «հակաթուրքական բնույթ»:

«Ափսոսանքով ենք հետևում Գերմանիայում և Ավստրիայում քաղաքական լիդերների նախընտրական քարոզարշավներին, որոնք ուղղված են Թուրքիայի դեմ և Թուրքիայի՝ ԵՄ անդամակցությանը խոչընդոտելուն»,- նշվել է հայտարարության մեջ:

Նախարարությունը նաև այդ հարցով իր մտահոգությունն է հայտնել: