Հակառակորդի գործողություններն այս տարի առավել վտանգավոր բնույթ են կրում

Ըստ քաղաքագետ Տիգրան Աբրահամյանի` Սարգսյան-Ալիեւ հնարավոր հանդիպումից մեկ օր առաջ, երբ նման մասշտաբի միջադեպեր են գրանցվում, դժվար է դա հանդիպումով չպայմանավորելը:

Հիշեցնենք, որ ադրբեջանական բանակի հատուկ նշանակության խմբերը հակամարտ զորքերի շփման գծի հարավային, արևելյան, հյուսիսարևելյան և հյուսիսային ուղղություններով դեկտեմբերի 18-ի գիշերը դիմել են հերթական դիվերսիոն գործողությունների: Վերոնշյալ բոլոր ուղղություններում հայ դիրքապահները ժամանակին հավաստանշել են հակառակորդի հատուկ ջոկատայինների առաջխաղացումը և անցել պաշտպանական մարտերի: Ադրբեջանական գրոհայինները, կորուստներ տալով, հետ են շպրտվել իրենց ելման դիրքերը: Ցավոք, ծավալված մերձամարտերի ընթացքում զոհվել է ՊԲ երկու զինծառայող: