Ֆիլհարմոնիկ նվագախումբը հյուրախաղերով հանդես է եկել Ավստրիայում և Գերմանիայում

Հայաստանի պետական ֆիլհարմոնիկ նվագախումբն Արամ Խաչատրյանի միջազգային փառատոնի շրջանակներում հյուրախաղերով հանդես է եկել Ավստրիայում և Գերմանիայում: Նվագախումբը ելույթ է ունեցել հոկտեմբերի 5-ին Լինցի «Բրուքներհաուս», հոկտեմբերի 6-ին` Կլագենֆուրտի «Մյուզիքվերեյն Կառնտեն», հոկտեմբերի 10-ին` Լյուբեկեի «Շտադհալե» համերգասրահներում:

Հյուրախաղերի ընթացքում ներկայացվել են Արամ Խաչատրյանի «Ջութակի կոնցերտը» և սյուիտը «Սպարտակ» բալետից, Պ. Չայկովսկու թիվ 6 սիմֆոնիան, Դ. Շոստակովիչի «Ջութակի թիվ 1 կոնցերտը», Մ. Մուսորգսկու «Գիշերը լերկ լեռան վրա» և Էդ. Միրզոյանի «Շուշանիկ» սիմֆոնիկ պոեմները: Որպես մենակատար` հանդես են եկել Անուշ Նիկողոսյանը (ջութակ) և Անդրեաս Ֆրյոլիխը (դաշնամուր):