Ամերիկյան ընկերությունն իր աշխատակիցների մաշկի տակ միկրոչիպեր կտեղադրի

ԱՄՆ Վիսկոնսին նահանգում գտնվող Three Square Market ընկերությունը աշխատակազմի 50 անդամների մաշկի տակ միկրոչիպեր է տեղադրելու: Այս մասին, ըստ РИА Новости-ի, հայտնում է BBC հեռուստաընկերությունը:

Հաղորդվում է, որ ծրագրի նպատակն է դյուրացնել մարդկանց մուտքը էլեկտրոնային սարքավորումներ: Մասնավորապես՝ միկրոչիպերը թույլ կտան գրասենյակային տեխնիկային ու համակարգիչներին միանալ: 300 դոլար արժողությամբ միկրոչիպերը մաշկի տակ կներդրվեն անվճար:

Հեռուստաընկերությունն ընդգծել է, որ նախագծի մասնակիցներն ինքնակամ են համաձայնել մասնակցել ծրագրին: Ավելի վաղ նմանատիպ քայլ էր կատարել բելգիական Newfusion ընկերությունը, որը մասնագիտացած է թվային մարկետինգի մեջ: Ենթամաշկային  «բանալին» այս դեպքում աշխատակիցների բեյջին (անցաթուղթ) է փոխարինում: Չափսերով այն մոտ է բրնձի հատիկին: