Թող Սերժ Սարգսյանը լինի վարչապետը. Սասուն Միքայելյան

Այսօր խորհրդարանում լրագրողների հետ զրույցի ժամանակ «Ելք» խմբակցության պատգամավոր Սասուն Միքայելյանը՝ պատասխանելով հացին՝ ինչպես է վերաբերվում 2018 թվականին Սերժ Սարգսյանի վարչապետ լինելուն, նշեց, որ վերջերս եկել է այն եզրակացության, որ Սերժ Սարգսյանը պետք է լինի վարչապետը:

«Թող Սերժ Սարգսյանը լինի վարչապետ: Ավելի ճիշտ կլինի ինքը լինի, որ վերջ ի վերջո մի անգամ պարտավորություն վերցնի իրա վրա, թե չէ տարիների ընթացքում եսիմ քանի վարչապետ ա փոխվել և ինքը իրա վրա պարտավորություն չի վերցրել», - ասաց նա:

Հարցին՝ ինչպե՞ս դրան կարձագանքի հասարակությունը, Միքայելյանը նշեց, որ վարչապետերի անընդհատ փոփոխության ինտիստուտը կվերանա:

Ինչ վերաբերում է նրան, թե ինչպես կարձագանքի վարչապետի պաշտոնում Սերժ Սրագսյանի նշանակման հարցին հասարակությունը, պատգամավորն ասաց. «Իսկ այս ձևի ապրելակերպին, որ ժողովուրդը հաշտվել ա, լա՞վ ա: Վերջնական եթե էդ մարդը կարա անի, թող անի»:

Նա հավելեց, որ սա իր անձնական կարծիքն է և ոչ թե «Ելք» խմբակցության: Միքայելյանը նաև նշեց, որ տարիների ընթացքում հանրապետությունում ստեղծվել է մի իրավիճակ, երբ որպես հարցի լուծում դիտարկվել է վարչապետի փոփոխության հարցը: «Բռնել վարչապետ են փոխել, իսկ Սերժ Սրագսյանի դեպքում ինքն իրան չի կարող փոխել», - ասաց նա: