Հիմա, որ նախագահը երիտասարդացել ա, քանի՞ տարեկան ա դարձել. Սասուն Միքայելյան

Սերժ Սարգսյանի` Կորեայում արձակուրդն անցկացնելու մասին տեղեկությունը, կարծես,  հաստատվեց: Նախ կորեական զբոսաշրջային նորությունների «Չոսուն» կայքը հոդված հրապարակեց, որը վերնագրված էր «Հայաստանի նախագահը՝ առողջապահական տուրիստ Կորեայում»: Այնուհետեւ համացանցում հայտնվեց կորեական հեռուստաալիքներից մեկի անդրադարձը Կորեայում Սերժ Սարգսյանի` երիտասարդացման նպատակներով բուժում ստանալուն: Ռեպորտաժում ասվում է, որ Սարգսյանը կլինիկայում կնճիռների հարթեցման եւ ձայնալարերի վերականգնման վիրահատություններ է անցել: Հիմա սոցիալական ցանցերում ակտիվորեն քննարկվում է նախագահի երիտասարդացման հարցը:

Այսօր Yerkir.am-ի հետ զրույցում Սերժ Սարգսյանի երիտասարդացմանն անդրադարձավ նաեւ Սասուն Միքայելյանը: «Հիմա, որ նախագահը երիտասարդացել ա, քանի՞ տարեկան ա դարձել, եթե իմանաք, ինձ էլ ասեք, նախագահի հետ կապված` փաստացի իմանանք, թե քանի տարեկան ա դարձել»,- նշեց նա: