ԲՀԿ-ն ու ՀԱԿ-ն ուզում են Ռուսաստանի թագաժառանգը դառնալ. Սասուն Միքայելյան

«Սասուն» ջոկատի հրամանատար Սասուն Միքայելյանի կարծիքով` եթե եռյակը չփլուզվի, ապա կգնա իշխանափոխանցման: Նա հակված է այժմ եռյակին երկյակ կոչել` հաշվի առնելով Րաֆֆի Հովհաննիսյանի` առանձին գործելը:

Ըստ նրա` ԲՀԿ-ն ու ՀԱԿ-ն ուզում են Ռուսաստանի թագաժառանգը դառնալ: Իսկ ինչ վերաբերում է Րաֆֆի Հովհաննիսյանին, ապա «նա իր սկզբունքներին կողմ մնաց, ինքն ինչ-որ տեղ վերակենդանանում է նախագահական ընտրություններում պարտվելուց հետո, իրեն ամբիոն էր պետք, որ գար արենա, և եկավ»:

Անդրադառնալով սահմանադրական փոփոխություներին` Միքայելյանը նշեց, որ այժմ գահի կռիվ է գնում, թե ով ավելի պուպուշ կերևա Ռուսաստանի աչքին: «Իրանք բոլորը ղեկավարվում են Ռուսաստանի կողմից: Ես ասել եմ` երեք նախագահները պետք է հեռանան, հիշե'ք, եթե նրանք չհեռանան` այս երկիրը զարգացում չի ունենա»,- ասաց նա:

Հարցին, թե հնարավո՞ր է ինքը կանգնի եռյակի կողքին, Միքայելյանը պատասխանեց. «Թող հլը եռյակն իրար կողքի կանգնի»: Խոսելով ընդդիմության մասին` նախկին պատգամավորը նշեց. «Էս տարիների ընթացքում ընդդիմություն ասվածը բնաջնջված ա էս իշխանությունների ձեռքով: Մեզ միշտ քննադատում են, ասում ե` խի՞ չեք գալիս: Գանք` ի՞նչ անենք»: