Բերդավանցի տղամարդը երկար ժամանակ չի վերադարձել, հարազատները գնացել են փնտրելու ու մահացած են գտել

Տավուշի մարզի սահմանամերձ Բերդավան համայնքի 65-ամյա բնակիչ Յուրի Բայրամյանը հունիսի 11-ին անտառում սունկ հավաքելիս ընկել և մահացել է: Այս մասին  Yerkir.am-ին հայտնեց Բերդավան վարչական շրջանի ղեկավար Սմբատ Մուղդուսյանը: Նա նշեց, որ 65-ամյա տղամարդը հովիվ էր: «Դե հովիվ էր, անասուններին սար էր տանում ու կնոջ հետ էլ ժամանակավոր հենց էնտեղ էր մնում: Էնպես չէ, որ տարածքին անծանոթ էր, բայց դե երևի ոտքը մի բանի կպել է ու ընկել, գլուխը խփել է»,- ասաց Բայրամյանը: Ըստ նրա` դեպքի մասին իմացել են այն բանից հետո, երբ Յուրի Բայրամյանը երկար ժամանակ չի վերադարձել անտառից, հարազատներն անհանգստացել են, գնացել են փնտրելու ու նրան գտել մահացած:

Մուղդուսյանը նաև նշեց, որ մահացածն ուներ երկու տղա և մեկ աղջիկ, ովքեր ամուսնացած են: