Ոնց որոշեն. Վահան Մարտիրոսյանը՝ իր վերանշանակման մասին

Հայտնել ենք, որ տրանսպորտի, կապի և տեղեկատվական տեխնոլոգիաների նախարարությունում այսօր նախարար Վահան Մարտիրոսյանն ամփոփ ներկայացրեց գերատեսչության` վերջին վեց ամսվա գործունեությունը:

Պատասխանելով լրագրողների հարցերին` նա անդրադարձավ նաև  իր՝ նոր կառավարության կազմում ընդգրկվելու հնարավորությանը: «Ինձ այդ պաշտոնում պետք է տեսնեն կուսակցությունը, վարչապետը, նախագահը: Ոնց որոշեն»,- ասաց Մարտիրոսյանը:

«Դուք կցանկանա՞ք շարունակել նախարարական գործունեությունը» հարցին պատասխանեց. «Թույլ տվեք չասեմ»:   

Հարցին՝ ծրագրեր եք մշակել, չե՞ք ուզում այդ ծրագրերը կյանքի կոչել, Մարտիրոսյանը պատասխանեց. «Այդ ծրագրերը շարունակական են, դրանք միայն իմ մշակած ծրագրերը չեն: Դա  աշխատանք է, որին մասնակցում է նախարարության ամբողջ կազմը: Մի միտքը կարող եմ ես տալ, մյուս միտքը՝ ուրիշը: Սա թիմային աշխատանք է»: