Երևանյան 8-րդ փառատոն. Սերգեյ Կռիլովն ու Վահան Մարտիրոսյանը հանդես կգան ֆիլհարմոնիկի հետ

Հոկտեմբերի 21-ին «Արամ Խաչատրյան» համերգասրահում տեղի կունենա Երևանյան 8-րդ միջազգային երաժշտական փառատոնի հերթական համերգը: Հայաստանի պետական ֆիլհարմոնիկ նվագախմբի հետ ելույթ կունենան հայտնի ջութակահար Սերգեյ Կռիլովը և դաշնակահար Վահան Մարտիրոսյանը: Համերգին կհնչեն Բախի, Մենդելսոնի և Չայկովսկու ստեղծագործությունները, համերգը կղեկավարի ՀՊՖՆ գեղարվեստական ղեկավար և գլխավոր դիրիժոր Էդուարդ Թոփչյանը:

Հիշեցնենք, որ Հայաստանի պետական ֆիլհարմոնիկ նվագախմբի 2014-2015թթ. համերգաշրջանի և Երևանյան 8-րդ միջազգային երաժշտական փառատոնի մեկնարկը տրվեց սեպտեմբերի 12-ին: Փառատոնն իր ընթացքը կշարունակի մինչև հոկտեմբերի 24-ը: