Հնգյակ ունեցած կնոջ և երեխաների վիճակը կայուն է

Երեկ «Էրեբունի» ԲԿ-ում լույս աշխարհ եկած հնգյակի, ինչպես նաև նրանց մայրիկի` 23-ամյա Լուսինե Պողոսյանի առողջական վիճակը նորմալ է:

Yerkir.am-ի հետ զրույցում երեխաների հորական կողմի տատիկը` Ռոզա Մարուքյանը, հայտնեց, որ թե' մոր, թե' երեխաների վիճակը կայուն է: «Ամեն ինչ գնում է իր հունով»,- ասաց նա:

Հիշեցնենք, որ փոքրիկները լույս աշխարհ են եկել 600, 820, 840, 840 և 880 գրամ քաշով։ Նորածիններից երկուսը` տղան և աղջիկներից մեկը, տեղափոխվել են  «Մուրացան»  բժշկական համալիր` ՀՀ ԱՆ գլխավոր մանկական ռեանիմատոլոգ Հրանտ Կալենտերյանի հսկողության ներքո։  Նորածիններից մեկն էլ տեղափոխվել է «Սուրբ Աստվածամայր» ԲԿ-ի, իսկ մյուսը` Մոր և մանկան առողջության պահպանման գիտահետազոտական կենտրոնի  վերակենդանացման բաժանմունքներ։