Այն, որ տղայի վիճակը դեպի վատը չի գնում, արդեն իսկ լավ է. վիրավոր զինծառայողի վիճակը ծանր կայուն է

Տեղեկացրել էինք, որ հունվարի 23-ի առավոտյան Տավուշի մարզի Բերդի շրջանում հակառակորդի հարձակման ժամանակ վիրավորվել էր շարքային Հովհաննես Ավանեսյանը: Վնասվել էին զինծառայողի թոքն ու լյարդը: Նրան Բերդում վիրահատելուց հետո տեղափոխել էին Կենտրոնական կլինիկական զինվորական հոսպիտալ: Օրերս վիրահատել էին նաև տղայի ողնաշարը:

Yerkir.am-ի հետ զրույցում հոսպիտալի բուժծառայության պետ Արտաշես Խաչատրյանը հայտնեց, որ Հովհաննեսի վիճակը շարունակում է մնալ ծանր, բայց կայուն:

«Հիմա տղան հետվիրահատական շրջանում է գտնվում, ամեն ինչ ընթանում է, ինչպես նախատեսված էր: Թոքի աշխատանքը դեպի լավն է գնում, իսկ լյարդի հետ կապված որոշ խնդիրներ կան: Այնուամենայնիվ, այն, որ տղայի վիճակը դեպի վատը չի գնում, արդեն իսկ լավ է»,- ասաց նա: