Ժամանակը ցույց կտա. վարչապետը՝ ՀՀԿ-ի շանսերի մասին

Քաղաքացիական իր պարտքն արդեն կատարել է վարչապետ Կարեն Կարապետյանը: Քվեարկությունից հետո նա հայտարարեց, որ քվեարկել է հանուն իրենց կարգախոսի իրագործման:

Հարցին, թե ինչպես է գնահատում ՀՀԿ-ի շանսերը, պատասխանեց, որ ժամանակը ցույց կտա: Նա հայտարարեց, որ իր ցանկությունն է, որ ամեն ինչ խաղաղ լինի:

Հարցին, թե ինչո՞ւ ՀՀ նախագահ, ՀՀԿ ղեկավար Սերժ Սարգսյանը չմասնակցեց ՀՀԿ-ի քարոզարշավին, Կարապետյանը պատասխանեց, որ կուսակցությունում է նման որոշում կայացվել, թե` ինչու, չբացատրեց:

Հարցին, թե ի՞նչ Հայաստան է ցանկանում տեսնել, վարչապետն արձագանքեց. «Տրամաբանական, խելոք, օրենքի երկիր»:

Ի դեպ, վարչապետը նաեւ ասաց, որ ինքը միշտ լավատես է: Նշենք, որ ընտրությանը Կարապետյանը ներկայացել էր տիկնոջ հետ: