Վարչապետը հստակ ժամկետ է պահանջում, իսկ նախարարը պատասխանում է` կյանքը ցույց կտա

Կառավարության նիստի վերջում վարչապետ Կարեն Կարապետյանն իր մոտ էր կանչել էներգետիկայի, աշխատանքի և սոցիալական հարցերի նախարարներին և ՀԾԿՀ նախագահ Ռոբերտ Նազարյանին, որպեսզի ընդհանուր հայտարարի գան գազի ու էլեկտրաէներգիայի սակագների վերանայման հանձնարակականի կապակցությամբ և ներկայացնեն ժամանակացույց:

Վարչապետի մոտից դուրս գալուց հետո Yerkir.am-ը հարցրեց էներգետիկայի ու բնական պաշարների նախարար Լևոն Յոլյանին, թե ի՞նչ որոշվեց, ի՞նչ ժամկետներում են պատրաստ ներկայացնել գազի ու էլեկտրաէներգիայի սակագների վերանայման վերաբերյալ առաջարկությունները: Նախարարը պատասխանեց. «Կյանքը ցույց կտա»:

Նա, ինչպես միշտ, լրագրողներին հորդորեց ժամկետների վերաբերյալ իրեն հարցեր չտալ, սակայն հույս հայտնեց, որ սակագները կարող են նվազել, որովհետև նոր զարգացումներ են ընթանում: