Ռուսական «Իսկանդերները» կապահովեն խաղաղությունը Արցախում. Բակո Սահակյան

Լեռնային Ղարաբաղի Հանրապետության նախագահ՝ Բակո Սահակյանը խոսել է «Իսկանդեր» օպերատիվ-մարտավարական հրթիռային համալիրների ներկայությունը կայունացնող դերի, ինչպես նաև հայ և ադրբեջանցի ժողովուրդների միջև խաղաղության մասին` «Gazeta.ru»-ին տված լայնածավալ հարցազրույցում։ 

ԼՂՀ նախագահը նշել է․ «Նման զենքի ներկայությունը կայունացնող դեր է կատարում տարածաշրջանում ուժերի ռազմաքաղաքական հավասարակշռությունն ապահովելու հարցում։ Պատճառը, իհարկե պաշտոնական Բաքվի ագրեսիվ և ապակառուցողական քաղաքականությունն է, որի «շնորհիվ» ուժը, ցավոք, մեր տարածաշրջանում խաղաղության և կայունության ապահովման առավել արդյունավետ մեխանիզմն է»։ 

Ըստ Բակո Սահակյանի՝ ԼՂՀ-ն հանդես չի գալիս գալիս ագրեսիվ, շովինիստական և ռազմատենչ հայտարարություններով: Փոխարենը՝ պաշտոնական Բաքուն իրեն ճիշտ հակառակն է պահում: 

Այսուհանդերձ Բակո Սահակյանը նշել է նաև, որ Ռուսաստանը կարևոր և ծանրակշիռ դեր է խաղում տարածաշրջանում խաղաղության կարգավորման հարցում։