Թող հարևանի եկեղեցին չմնա անտեր. Թուրքիայում հայկական Սբ Գևորգ եկեղեցին մնացել է մուսուլման կնոջ խնամքին. ֆոտոշարք

Ներկայիս Թուրքիայի տարածքում գտնվող հայկական Մարդին նահանգի Դերիք շրջանի հայկական Սուրբ Գևորգ եկեղեցին մնացել է 8 երեխաների մայր Հաթուն Չաչուրի հույսին:

Ըստ Ensonhaber-ի՝ դեռևս 1650 թվականին 1500 քառակուսի մետր տարածքի վրա կառուցված հայկական եկեղեցին մնացել է անտեր հայերի աքսորից հետո:

Եկեղեցին պահպանելու պարտականությունն իր վրա վերցրած մուսուլման կինը պատմել է, որ այն սկզբում խնամել է ծագումով հայ Յուրշալին-Նայիֆ Դեմիրջի զույգը, սակայն նրանց առողջական վիճակի վատթարացումից հետո ինքն է ստանձնել այդ գործ:

«Չուզեցի, որ հարևանի եկեղեցին մնա անտեր: Աստված վկա, մուսլուման եմ, բայց եկեղեցին աչքիս պես եմ պահում»,- ասել է կինը, ով խնամում է նաև եկեղեցու բակը, ջրում ծառերը: