Թրամփը խնդրել է ավելացնել Պենտագոնին հատկացվող գումարը

Ըստ ԱՄՆ նախագահ Դոնալդ Թրամփի առաջարկի, Վաշինգտոնի ծախսերը պաշտպանության ոլորտում պետք է աճեն, իսկ Պետքարտուղարությանը հատկացվող գումարները, օրինակ, շրջակա միջավայրի պաշտպանության համար, առաջարկվում է կրճատել: Այդ մասին ասվում է բյուջեի նախագծում, որը Սպիտակ տունը պետք է փետրվարի 27-ին ուղարկի դաշնային գերատեսչություններին, հայտնում է «Deutsche Welle»-ն` հղում անելով «Reuters»-ին։ 

Երկու իրազեկ աղբյուրներից մեկի խոսքով, Թրամփը խնդրել է ավելացնել Պենտագոնին հատկացվող գումարը, մասնավորապես, նավաշինության, ռազմական ինքնաթիռների, ինչպես նաև Օրմուզի նեղուցում և Հարավչինական ծովում ավելի առանցքային ներկայություն ապահովելու համար:

Պարբերականի երկրորդ զրուցակիցը պատմել է, որ Պետդեպարտամենտի բյուջեն կարող է կրճատվել 30 տոկոսով: