Արթուն պահենք մեր մեջ ընթերցողին․ Հայաստանում այսօր գիրք նվիրելու օրն է

Փետրվարի 19-ը ամենայն հայոց մեծ բանաստեղծ Հովհաննես Թումանյանի ծննդյան օրն է և այդ օրը Հայաստանում նշվում է որպես գիրք նվիրելու օր։ 

ՅՈՒՆԵՍԿՕ-ի կողմից Երևանը հռչակվել է 2012թ․-ի գրքի համաշխարհային մայրաքաղաք։ 

Գիրք նվիրելու տոնը բազմախորհուրդ է, այն մեզ հիշեցնում է, որ պետք է ճանաչենք գրքի արժեքը, ընթերցենք ու եթե ոչ հաճախ, ապա տարվա մեջ գեթ մեկ օր մեկական գիրք նվիրենք մեր մտերիմներին, հարազատներին: 

Գրքերն իրենց մեջ կրում են բազմաթիվ պատմություններ, առեղծվածներ, մտքեր... շատ գրքեր փոխում են մարդկանց կյանքը, մյուսները՝ նոր որակ տալիս դրան: Ստորև առաջարկում ենք այն գրքերի ցանկը, որոնց մեջ երազանքները իրականանում են․ 

1. Ալեքսանդր Գրին -  «Ալ կարմիր առագաստ»

2. Շառլոթ Բրոնտե - «Ջեյն Էյր»

3. Պաուլո Կոելիո - «Ալքիմիկը»

4. Ջոանն Հարրիս - «Շոկոլադ»

5. Ռիչարդ Բախ - «Ջոնաթան Լիվինգսթոն անունով ճայը»

6. Ջեկ Լոնդոն - «Մարտին Իդեն»

7. Աննա Գավալդա - «35 կիլոգրամ հույս»

8. Ուինսթոն Գրում - «Ֆորեսթ Գամփ»

Հիշեցնենք, որ գիտնականները պարզել են, որ ամբողջ աշխարհի գրքերը կարդալու համար մարդուն հարկավոր է 2040 տարի։