Ոչինչ չի մոռացվել, ոչ մեկ չի մոռացվել․ Փարիզում հարյուրավոր ցուցարարներ դուրս են եկել երթի

Այսօր՝ հարյուրավոր փարիզեցիներ դուրս են եկել փողոց՝ ի պաշտպանություն Տեոյի, գրում է «L'Express.fr»-ը։ 

Ոչինչ չի մոռացվել, ոչ մեկ չի մոռացվել, Տեո և Ադամ, այսպիսի վանկարկումներով իրենց երթը շարունակել են խաղաղ ցուցարարները։ Ցույցի մասնակիցները Տեոյի գործը համարում են ցածր ռասիզմի արդյունք և կոչ են անում բոլորին զանգահարել հակառասիստական ասոցիացիաներ և արհմիություններ՝ բողոքելու ընդդեմ ոստիկանության բռնության և աջակցելու երիտասարդ Տեոյին։

«Մենք ոչինչ չենք մոռացել և ոչինչ չենք ներում։ Ոստիկանությունն ամենուր է, իսկ արդարություն չկա։ Այս ամենը չպետք է մնա անպատիժ, պետք է զինաթափել ոստիկաններին»,- վանկարկում են ցուցարարները։

Հիշեցնենք, որ Տեոյին ձերբակալել էին մի քանի շաբաթ առաջ։ Տղային մահակով բռնաբարելու համար մեկ ոստիկանի մեղադրանք է առաջադրվել, իսկ մյուս երեքին մեղադրել են բռնի գործողությունների մեջ։ Չորս ոստիկաններին էլ հեռացրել են աշխատանքից։