Թբիլիսիում ԼԳԲՏ երթի ժամանակ ոստիկանության և երթի հակառակորդների միջև բախումների ընթացքում 11 մարդ է բերման ենթարկվել

«Թբիլիսիի փրայդ» ԼԳԲՏ ակցիայի հակառակորդների և իրավապահ մարմինների աշխատակիցների միջև բախումների ընթացքում ոստիկանությունը բերման է ենթարկել 11 մարդու: Այս տեղեկությունը Վրաստանի Առաջին ալիքի հետ զրույցում հաստատել է ՆԳՆ-ն:

Իրավիճակը մի քանի անգամ սրվել է այն տարածքի մոտ, որտեղ տեղի է ունեցել «Թբիլիսի փրայդի»՝ շաբաթվա  առաջին միջոցառումը: Ազգայնական խմբերի ներկայացուցիչները փորձել են հասնել նաև այն վայրը, որտեղ նախատեսվում էր ֆիլմ ցուցադրել ԼԳԲՏ համայնքի մասին:

Երթին ներկա են եղել դիվանագիտական կորպուսի ներկայացուցիչներ: Իրավապահները տեղում հատուկ միջանցք են բացել, որպեսզի միջոցառման մասնակիցները մուտքի հետ խնդիրներ չունենան: