Հուշագիր ստորագրեցին, բայց ասուլիս տալուց հրաժարվեցին

Քիչ առաջ «Ժառանգություն» կուսակցության նախագահ Րաֆֆի Հովհաննիսյանը, «Համախմբում» կուսակցության նախագահ Վարդան Օսկանյանը և պաշտպանության նախկին նախարար Սեյրան Օհանյանը ստորագրեցին դաշինքային համագործակցությամբ հանդես գալու փաստաթուղթ:

«Ժառանգություն» կուսակցության փոխնախագահ Արման Մարտիրոսյանը, մինչ արարողությունը, հայտարարեց, որ վերոնշյալ քաղաքական ուժերը համագործակցում են և առաջիկա խորհրդարանական ընտրություններին մասնակցելու են դաշինքով:

Րաֆֆի Հովհաննիսյանը հայտարարեց, որ «օրը պատմական է»: Վարդան Օսկանյանն էլ` թե իրեն, Րաֆֆի Հովհաննիսյանին եւ Սեյրան Օհանյանին շատ բան է միավորում ե'ւ անցյալում, ե'ւ ներկայում: Սեյրան Օհանյանն էլ նշեց, թե եկել է «զօր ու գիշեր աշխատելու»: «Հերիք է հանդուրժենք այն բացթողումները, որ կան»,- հայտարարեց նա:

Ուշագրավ է, որ, չնայած նման «պատմական» օրվան, երեք նախկին նախարարները խուսափեցին պատասխանել լրագրողների հարցերին: