Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Փոխքաղաքապետ Դավիթ Օհանյանը քիչ առաջ բողոքի ակցիայի` քաղաքապետարան ներխուժած մասնակիցներին առաջարկեց խնդրի շուրջ նրանց մասնակցությամբ քննարկում կազմակերպել:
Հիշեցնենք, որ բողոքի ակցիայի մասնակիցները պահանջում են պարզաբանում տալ, թե Շահումյանի հրապարակի հարակից տարածքի այգում ինչու են ծառահատումներ եղել:
Փոխքաղաքապետն առաջարկեց գնալ «Մոսկվայի տան» մեծ դահլիճը, ուր կգան համապատասխան մասնագետներն ու քաղաքապետ Տարոն Մարգարյանը՝ քննարկելու հարցը: Բողոքի ակցիայի մասնակիցները հրաժարվեցին՝ նշելով, որ իրենք նախասրահում կսպասեն Տարոն Մարգարյանին:
Քիչ առաջ էլ փոխքաղաքապետը հայտարարեց, որ քաղաքապետը պատրաստ է հանդիպման, թող բողոքի ակցիայի մասնակիցները 20 հոգուց բաղկացած խումբ կազմեն ու բարձրանան քաղաքապետի մոտ: Բողոքի ակցիայի մասնակիցները նշեցին, որ պահանջում են բաց հանդիպում: «Թող քաղաքապետն իջնի ներքև»,- հայտարարեցին նրանք: