Մահմեդականներին սկսել են ԱՄՆ թողնել Թրամփի հրամանագրի դադարեցումից հետո

Մահմեդական  երկրների քաղաքացիները սկսել են մուտք գործել ԱՄՆ այն բանից հետո, երբ դատավորի վճռով դադարեցվել է միգրացիոն ոլորտում սահմանափակումների վերաբերյալ նախագահ Դոնալդ Թրամփի հրամանագրի գործողությունը, հայտնում է «Интерфакс»-ը:

Կահիրեի օդանավակայանում, իշխանությունների տվյալով՝ ընդհանուր առմամբ 33 միգրանտ Եմենից, Սիրիայից և Իրաքից, որոնք մեկնում են ԱՄՆ, անարգել թողնվել են, փետրվարի 6-ին հայտնել Է AP լրատվական գործակալությունը:

Բեյրութում գործող ավիաընկերություններն սկսել են ինքնաթիռներ թողնել սիրիական ընտանիքներին, որոնց նախագահական հրամանագրով ավելի վաղ արգելված էր մուտքն ԱՄՆ: Միգրանտների գործերի բնագավառում մասնագիտացած փաստաբանները գործակալությանը հայտնել են, որ Նյու Յորքի, Վաշինգտոնի, Բոստոնի և այլ քաղաքների օդանավակայաններ են սկսել ժամանել այն մի շարք երկրների, այդ թվում՝ Իրանի, քաղաքացիներ, որոնց ավելի վաղ մերժվել էր մուտքն ԱՄՆ: