Թուրք ձկնորսները դժգոհ են Վանա լճից ստացված եկամտից

Ներկայիս Թուրքիայի տարածքում գտնվող հայկական Վանա լճի ջրերում ձուկ որսացող թուրքերը դժգոհ են իրենց եկամտից:

Թուրքական իշխանամետ «Անադոլու» գործակալության հաղորդմամբ՝ վաղ առավոտից գործի անցնող ձկնորսներն աշխատում են՝ առանց հաշվի առնելու սառնամանիքը, սակայն ձկան վաճառքից ստացված եկամուտը, ըստ նրանց, չի արդարացնում:

«Լճից օրական 20 տոննա ձուկ ենք որսում, և դրա կիլոգրամը վաճառվում է ընդամենը 1.5 լիրայով»,- դժգոհել է ձկնորսներից մեկը:

«Հացի պայքար՝ Վանա լճում» վերնագրված հրապարակման մեջ թուրքական կայքը նշում է,  որ Վանա լիճն աշխատելու հնարավորություն է ընձեռում 600 ձկնորսի, իսկ այդ տարածքում կա 113 ձկնորսական մակույկ: