Ինդոնեզացի ձկնորսները հին խորտակված նավ են գտել

Ինդոնեզական կղզիների մոտ խորտակված նավ է հայտնաբերվել, որը կարող է մի քանի դարերի հնություն ունենալ: Նավի մեջ կանաչ և մոխրագույն կերամիկական իրեր են գտնվել:

Նավը գտած ձկնորսների համոզմամբ՝ հոկտեմբերի 26-ի մեծ ալիքը, որը ավելի քան 500 մարդ է սպանել, 7 մետր երկարություն ունեցող նավը բարձրացրել է օվկիանոսի հատակից և այն մոտրցրել ափին: Այս մասին ասել է Յոսմերին, ով գլխավորում է Արևտյան Սումատրայի Ծովային և ձկնորսության վարչությունը:

Ասիան Եվրոպայի և Միջին Արևելքի հետ կապող կարևոր առևտրային ճանապարհ հանդիսացող Ինդոնեզիայի ջրերով դարեր շարունակ բազում նավեր են նավարկել՝ լցված կերամիկական իրերով, ոսկե վզնոցներով և թանկարժեք համեմունքներով:

Անցած շաբաթ հյտնաբերված կերամիկական իրերն ուղարկվել են ուսումնասիրման, տեղեկացրել է Յոսմերին, սակայն նա նաև ավելացրել է, որ դրանք նման են խորտակված Չինական նավերում հայտանբերված 14-րդ դարի կիրառական արվեստի աշխատանքներին: