Ողբերգական դեպք Մուսալեռում. տանը հայտնաբերել են ամուսինների և նրանց մանկահասակ երեխայի դիերը

Քիչ առաջ  ողբերգական դեպք է տեղի ունեցել Արմավիրի մարզի Մուսալեռ համայնքում: Գյուղի տներից մեկում հայտնաբերել են ամուսինների դիեր: Այս տեղեկությունը Yerkir.am-ի հետ զրույցում հաստատեց Մուսալեռի գյուղապետ Էդգար Հովհաննիսյանը:

 Վերջինիս խոսքով տանը եղել է նաև անչափահաս երեխա, ում տեղափոխել են հիվանդանոց :

Yerkir.am -ի տեղեկություններով՝ երեխան եղել է 4 ամսական և, ցավոք, մինչ հիվանդանոց տեղափոխելը՝ մահացել է: Մեզ հետ զրույցում «Վաղարշապատի» ԲԿ-ից հաստատեցին այս լուրը:

Նախնական տեղեկություններով՝ ընտանիքի անդամները խեղդվել են շմոլ գազից:

 Գյուղապետը մեզ հայտնեց, որ ընտանիքը մի քանի օր առաջ էր տեղափոխվել իրենց գյուղ և բնակվել են վարձով, այդ իսկ պատճառով մահացածների ինքնությունը դեռևս հայտնի չէ: 

Այս պահին դեպքի վայրում են ոստիկաններն ու քննիչները: